公主尋日有幸獲希慎廣場邀請出席Urban Sky嘅第一個活動
咩係Urban Sky? Urban Sky係希慎廣場九樓，最近變身嘅一個全新藝文生活空間，呢度將會定期舉辦唔同嘅「Urban Sky普普文化系列」活動，為唔同文化背景嘅訪客提供一個互相交流嘅聚腳平台。
Urban Sky嘅頭炮活動，亦都係希慎集團首個社區放映會，就為剛榮獲第十三屆「鮮浪潮國際短片節最佳編劇」獎的肯定嘅《老人與狗》舉行電影放映及分享會。呢套短片亦榮獲2019台北電影節─台北電影獎中「最佳短片」同「最佳男主角」共兩項提名添！
呢套短片內容係講兩個年老病患(分別係由從影40年嘅資深演員車保羅同已到天國遊玩嘅狗狗梁狗B)嘅故事，雖然短片只有30分鐘，但係內容發人深省，反應出唔少切身嘅社會問題，爸爸就睇得好專心喇，而公主都坐定定睇晒成套片添！
Urban Sky呢度環境開陽，大大嘅落地玻璃，可以睇晒成個利園小區，同層仲有書店同Cafe，真係一個文青新境點呀！
#LeeGardensHK #UrbanSkyPopArt #希慎九樓 #全新藝文生活空間 #普普文化系列 #老人與狗
Search